سما المصري، دخلت الفنانة سما المصري، في نوبة بكاء على الهواء، قائلة: "لما بفتح أتفرج بالصدفة على الحاجات اللي كنت عاملاها على انستجرام وفيس بوك، بستغرب انا كنت بعمل كده إزاي، فيها حاجات أوفر أوي".

 

فيديوهات سما المصري

وتابعت خلال لقائها ببرنامج "قعدة ستات" الذي تقدمه الاعلامية مروة صبري بقناة "اليوم": "مش عارفة أنا كنت بعمل الفيديوهات الأوفر دي إزاي، أنا دلوقتِ بفلتر كل الحاجات دي".
 

ندم سما المصري 

وأكملت: "بسأل نفسي دلوقتِ إزاي كنت بعمل الفيديوهات دي وإزاي كنت بقدر أصور وأنشر كدا، أنا عارفة إننا مجتمع شرقي وله عاداته وتقاليده فيه حاجات عملتها كانت تعدي ولكن فيه حاجات كانت أوفر وبتخض لما بشوفها فبمسحها، مسحت فيديوهات كتير ليَّ على يوتيوب وفيس بوك وإنستجرام، وأخدت قرار إنه مستحيل أعمل فيديوهات زي دي لإنها ما كانتش حلوة وما كانتش في حاجة إني أعملها".

 

فيديوهات خادشة للحياء 

ولفتت سما المصري: "أنا ما أعرفش إزاي وليه كنت بعمل الفيديوهات الخادشة للحياء وما كنتش وقتها حاسه إنها أوفر، وكنت بقول لربنا بالليل مش عايزة أعمل الحاجات دي تاني بس كنت أقوم الصبح أعملها، أنا مش قادرة أمسك نفسي من العياط بس ندمانة على الفيديوهات الصعبة اللي عملتها ومش عايزة تشوفني بالفيديوهات المستفزة والمثيرة".

 

حياة سما المصري في السجن

وأشارت: "لما دخلت مركز الإصلاح والتأهيل ما اتخضيتش لإني كنت هتحبس من أيام قناة فلول لما كنت بهاجم الإخوان كنت حاسة إنهم هيحبسوني في أي وقت، وكنت حاسة إن هيجي وقت والنتيجة مش هتبقى كويسة، ولما اصطدمت بالمستشار مرتضى منصور كنت عارفة إن نتيجتها مش هتبقى كويسة بس أصدقاء السوء كانوا بيحرضوني إني أهاجمه بس هو كتر خيره، وكان فيه قضايا كنت ممكن آخد فيها 3 سنين ونصف سجن، بس هو طلع أجدع من ناس كتير".

ولفتت: "لما كنت في سجن القناطر اتعلمت حاجات، وفي مركز الإصلاح والتأهيل بالعاشر كان بيتعمل لنا ندوات وكنا بنروح المكتبة وبيهتموا بالنزيلات وكان فيه حفلات كتير جدًّا، وفيه رياضة ولعب كرة وبيطلعوا ناس تبقى مفيدة في المجتمع ما تضرش".  

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.