سيطرت حالة كبيرة من الحزن على أسرة فاطمة عروس الإسماعيلية، التي أقدمت على إنهاء حياتها بتناول حبة الغلة السامة بسبب تراكم الديون عليها، وذلك قبل 3 أشهر من موعد زفافها.

وفاة عروس بالإسماعيلية بسبب تراكم الديون

وقالت خالة عروس الإسماعيلية إن ابنة شقيقتها كانت تعاني من تراكم الديون بسبب الشركة التي كانت تعمل لديها، حيث أجبروها على سداد مديونات العملاء لتحقيق التارجت.

وأضافت: فاطمة كانت بتشتغل عشان تجهز نفسها وملحقتش تفرح، استلفت من طوب الأرض عشان تسد الفلوس اللي اتورطت فيها، باعت جهازها وذهبها.. وأمها وأبوها خدوا قروض عبشانها، وفي الشغل أجبروها تسدد فلوس العملاء وهي ملهاش ذنب.

وأوضحت خالة عروس الإسماعيلية أن ابنة شقيقتها أُصيبت بمرض السكري قبل وفاتها وفقدت البصر بسبب الضغوطات التي كانت تمر بها، معلقة: فاطمة جالها السكر من كتر الضغط وإحنا مكناش نعرف، عرفنا لما راحت المستشفى وقالولنا هناك.

واستكملت: ربنا يصبر قلب أمها اللي هتموت عليها، بنت أختي تعبت في الدنيا وكان نفسها تلبس فستان الفرح، قالتلي نفسي يا خالتي أتجوز وأخلف ويبقى عندي بنت، ورطوها في فلوس العملاء في الشغل وقالولها ملناش دعوة.