كشفت حبيبة الزوجة صاحبة واقعة اعتداء حماتها عليها في قرية بطينة التابعة إلى مدينة المحلة الكبرى في محافظة الغربية، تفاصيل المعاناة التي تعيشها منذ زواجها بسبب أسرة زوجها.

وقالت حبيبة إنها تزوجت منذ نحو عام ونصف، إلا أنها واجهت العديد من الخلافات والمشاكل مع أسرة زوجها منذ اليوم الأول من زواجها.

وأضافت: من أول ما اتجوزت وأهل زوجي بيتخانقوا معانا بسبب المصروف، حمايا بياخد مرتب زوجي وبيدينا مصروف منه 500 جنيه، مش بيكفونا خصوصًا إني معايا طفل محتاج لبن صناعي، كنت بغضب وبسيب البيت ووالدي بيرجعني وبيقولي عاملي ربنا فيهم.

وأوضحت حبيبة أن حماها تعدى عليها بالضرب في واقعة سابقة إثر نشوب مشاجرة بينهما، ما أدى إلى تعرضها لإصابات متفرقة في أنحاء الجسد.

وتابعت: كنت بغضب وبسيب البيت ووالدي هو اللي كان بيصرف عليا ويجيب ليا اللي عاوزاه، وفي الآخر كان بيرجعني بيتي تاني وبيقولي عاملي ربنا فيهم.

وتطرقت حبيبة للحديث عن الواقعة الأخيرة التي تعدت فيها حماتها عليها، حيث سحلتها من شقتها إلى منزل أسرتها المجاور لها، كما تعدى حماها عليها بالضرب أيضًا أمام المارة.

واختتمت حديثها: حرام اللي حصل فيا ده ظلم وإهانة وأنا مستاهلش ده، بقالي سنة ونص متجوزة ومشوفتش يوم حلو معاهم، عملت محضر بالواقعة عشان آخد حقي منهم.